«Արցախի հարցի կարգավորման մեկ ճանապարհ կա»․ Մանե Թանդիլյան

«Ապրելու երկիր» կուսակցության նախագահ Մանե Թանդիլյանի գրառումը․ «Արցախի Վերածննդի հրապարակը բազմամարդ է, որովհետև զարթոնք է՝ Վերածնունդ...
Արցախի ժողովուրդը միակամ է՝ առանց արցախցու կամքի լիարժեք իրացման որևէ մեկը, որևէ տեղ չի կարող վճռել արցախցու ճակատագիրը։
Արցախի ժողովուրդի անօտարելի իրավունքն է որոշել՝ ինչպես ապրել, և ուրեմն, իրե'ն է պետք է հարցնել։ Ու իրենք ունեն դրա պատասխանը ՝ Արցախը եղել է, կա ու լինելու է։
Միջազգային բոլոր լուծումները, առաջարկները առ ոչինչ են, եթե Արցախի ժողովուրդը իր խոսքը չի ասել, մաս չի կազմել այդ որոշման։
Հետևաբար, Արցախի հարցի կարգավորման մեկ ճանապարհ կա՝ խոսել Արցախի ժողովրդի հետ, որպես հակամարտության լիիրավ սուբյեկտ»։