«Ժեխիկյանները բացել են մեր երկրի դարպասները՝ ծնկաչոք, ստրուկի խոհեմությամբ»․ Զոյա Թադևոսյան

Տնտեսագետ, ՀԱԿ վարչության անդամ Զոյա Թադևոսյանը «Ֆեյսբուք»-ի իր էջում գրել է. «Դարեր շարունակ ծովից ծով Հայաստանն օտարները բաժանել, ասպատակել, կեղեքել են բացառապես ունեցվածքի և իշխանության ձգտող ժեխիկյանների գեները կրողների աջակցությամբ:

Ժեխիկյանները բացել են մեր երկրի դարպասները՝ ծնկաչոք, ստրուկի խոհեմությամբ, ստորաքարշ պատրաստակամությամբ, գավառական դատարկամտությամբ: Աղ ու հացով, զուռնա-դհոլով դիմավորել ու ազնվական, արժանապատիվ հային մատաղ են արել նրանց ոտքերի տակ:

Դարերով հյուծվել ու փոքրացել է Հայաստանը: Ժեխիկյանները միշտ գտել են բազմանալու պարարտ հող: Չեն վերացել ու հասել են մեր օրերը: Չի փոխվել նաև նրանց գենետիկ ձգտումը՝ ունեցվածք և իշխանություն ամեն գնով:
Ազնվական և արժանապատիվ հայը փոխվել է, դասեր է քաղել անցյալից: Բարոյապես կոփվել է, անցել է տառապանքի միջով և իմաստացել է իր պայքարում: Դրածո Ժեխիկյանների դիմաց այսօր կանգնած է անդրդվելի, գիտակ և հայրենասեր ՀԱՅԸ:

Փա՛ռք Հայաստանի Հանրապետությանը»: