«Կառավարությունը պարտավոր է այդ երկրից ետ կանչել ՀՀ արտակարգ և լիազոր դեսպանին». Վահրամ Աթանեսյան

Քաղաքական վերլուծաբան Վահրամ Աթանեսյանը գրում է. «ՀԱՊԿ-ի գլխավոր քարտուղարի հետ հանդիպման ժամանակ Ալեքսանդր Լուկաշենկոյի՝ դիվանագիտական պատշաճության սահմանները բոլոր առումներով անցնող խոսքի հրապարակայնացումից հետո Հայաստանի կառավարությունը պարզապես պարտավոր է խորհրդատվություններ անցկացնելու նպատակով այդ երկրից ետ կանչել Հայաստանի արտակարգ և լիազոր դեսպանին՝ հարաբերությունները իջեցնելով գործերի ժամանակավոր հավատարմատարի միջոցով շփումների մակարդակի։ Լուկաշենկոյից, միևնույն է, ոչ մի դրական ակնկալիք չկա, բայց դիվանագիտական այդ դեմարշը կբարձրացնի Երևանի սուբյեկտային հեղինակությունը»։