«Փաշինյանի վարքագիծն ինձ հիշեցնում է հեքիաթի հերոս կալաբոկին»․ Արթուր Մարտիրոսյան

Բանակցային գործի մասնագետ, կոնֆլիկտաբան Արթուր Մարտիրոսյանը 168 TV-ի եթերում անդրադարձել է Սոչիում կայացած Փաշինյան-Պուտին-Ալիև եռակողմ հանդիպմանը․ «Սոչիի բանակցություններում հիմնական նվաճումը ժամանակ շահելն էր: Փաշինյանի կարդացած տեքստի բովանդակությունը՝ Պուտինի հետ հանդիպման ժամանակ, տպավորություն էր ստեղծում, թե ինքը կատարում է ՌԴ նախագահի հանձնարարությունը, որ ուզում են Ռուսաստանի հետ լինել, խաղաղապահների ներկայությունը երկարաձգել»։

«Այս իշխանությունների համար իրենց կատարած բոլոր քայլերն աննախադեպ են։ Փաշինյանի վարքագիծն ինձ հիշեցնում է ռուսական հայտնի հեքիաթի հերոս կալաբոկին՝ ես արջից փախա, ես գայլից փախա ասելով՝ ժամանակ է շահում: Իսկ վերջում, գիտեք՝ ինչ եղավ կալաբոկի հետ…»,- հավելել է Մարտիրոսյանը՝ իշխանությունների արտաքին քաղաքականության մասին խոսելիս։

«Ադրբեջանին հիմա պետք չէ անցնել լայնածավալ ռազմական գործողությունների, ՀՀ գործող իշխանությունները երկիրն այն վիճակի են հասցրել, որ 1-2 կրակոցն էլ բավարար է Հայաստանի բնակչությանը լարվածության մեջ պահելու համար: Ալիևը հասկանում է, որ Արևմուտքն Ադրբեջանում այնպիսի շահեր ունի, որ բացի քննադատությունից իր նկատմամբ՝ չի դիմի կոշտ միջոցների»,- ավելացրել է նա։