«Դա սեփական վախը հաղթահարելու քայլերթ էր»․ Նաիրա Զոհրաբյան

Ինչպես արդեն հայտնել էինք, Օհան Դուրյանի արձանի բացման արարողությունից հետո Նիկոլ Փաշինյանը կնոջ հետ քայլել էր Երևանի կենտրոնում՝ շրջապատված մեծաթիվ թիկնապահներով: ԱԺ նախկին պատգամավոր Նաիրա Զոհրաբյանը «Հայելի ակումբի» ուղիղ եթերում, անդրադառնալով թեմային, ասել է. «Այսօր Հյուսիսային պողոտայով քայլելը՝ թիկնապահների ուղեկցությամբ, դա սեփական վախը հաղթահարելու քայլերթ էր»։

Նաիրա Զոհրաբյանը նաև արձագանքել է վարչապետ Փաշինյանի կնոջ՝ Աննա Հակոբյանի ֆեյսբուքյան վերջին գրառմանը․ «Նա թղթին է հանձնում իրենց ներանձնային, անմարդկային, բնազդային վախերը, իրենք սեփական վախերի գերին են դարձել։ Շատ ցավալի է՝ հայրն ուղիղ եթերով դիմում է, ասում է՝ «տիկի՛ն, իմ երեխայի նկարը հանիր քո էջից, դա օրենսդրության խախտում է», բայց նա ցինիկաբար ոչ միայն չի հանում, այլև հատուկ երեկվա գրառման մեջ դիմում է այն տղաներին, որոնց ծնողներն այն քիչ բանակում են, ովքեր ամեն օր պայքարում են նրա դեմ։ Սարսափելի է, զարհուրելի»։