«Կառավարությունը վարում է հարուստներին ավելի հարստացնելու, աղքատներին ավելի աղքատացնելու քաղաքականություն»․ Թադևոս Ավետիսյան

ԱԺ «Հայաստան» խմբակցության պատգամավոր Թադևոս Ավետիսյանը 168 TV-ի եթերում խոսել է Հայաստանում տնտեսական ակտիվության բարձր ցուցանիշների մասին․ «Փաշինյանի իշխանությունն իր կառավարման ձեռքբերում է համարում մի բան, որի հետ որևէ առնչություն չունի։ Փաստենք՝ 14.1 տոկոս տնտեսական ակտիվության հետ նրանք որևէ կապ չունեն. այդ ակտիվությունը արձանագրվել է բացառապես ռուս-ուկրաինական ռազմական գործողությունների հետևանքով։ Տնտեսական առումով՝ սա դրական է, բայց՝ կարճաժամկետ, ինչը չի ավելացնում մեր տնտեսական ներուժը։ Իշխանությունը մի կողմից՝ քերթելով հարկ է հավաքում, մյուս կողմից՝ պարտք է վերցնում։ Տնտեսական ակտիվության ցուցանիշն իր վրա քաղաքացին չի զգում քանի որ Կառավարությունը վարում է հարուստներին ավելի հարստացնելու, աղքատներին ավելի աղքատացնելու քաղաքականություն։ Երկիր մտած փողն առաջացնում է գերշահույթներ՝ օլիգարխների համար, որովհետև հավասար չի բաշխվում հասարակության տարբեր շերտերի վրա։ Փաշինյանի իշխանությունը նպատակ չունի աղքատ մարդկանց կյանքի որակը փոխելու և հետապնդում է բացարձակ մեկ նպատակ՝ իշխանության պահպանություն, այդ նպատակով առաջնային է ուժային կառույցների աշխատավարձերի և պարգևատրումների ֆոնդի ավելացումը»,- նշել է Ավետիսյանը։

Մանրամասները՝ տեսանյութում: