ԱՄՆ-ն ընդլայնել է հակառուսական պատժամիջոցների ցուցակը

ԱՄՆ-ը հակառուսական պատժամիջոցների ցուցակում ընդգրկել է 14 ֆիզիկական և 28 իրավաբանական անձի։ Այս մասին այսօր հայտնել է ԱՄՆ ֆինանսների նախարարության կայքը։

Պատժամիջոցներն անդրադարձել են, մասնավորապես, գործարար Սուլեյման Քերիմովի ընտանիքին՝ նրա կնոջը՝ Ֆիրուզա Քերիմովային, ինչպես նաև երեխաներին՝ Գյուլնարանին, Ամինային և Սաիդին։ Բացի այդ, սև ցուցակում են հայտնվել ռուսական Bonum Capital ներդրումային ընկերության ղեկավար Մուրատ Ալիևը և շվեյցարացի գործարար Ալեքսանդր Ստուդհալտերը։

Սահմանափակումները վերաբերում են նաև 28 կազմակերպություններին, որոնք գրանցված են Շվեյցարիայում, Ռուսաստանում, Արաբական Միացյալ Էմիրություններում, Վիրջինյան կղզիներում և Լյուքսեմբուրգում։

Հիշեցնենք, որ նոյեմբերի 11-ին Ռուսաստանը արգելք է դրել ԱՄՆ 200 քաղաքացիների մուտքի վրա՝ «ի պատասխան Ջո Բայդենի վարչակազմի կողմից սահմանվող անձնական պատժամիջոցների անընդհատ աճի»: «Սև ցուցակում» ընդգրկված են գեներալներ, Ուկրաինայի պաշտպանության նախարարության խորհրդականներ, սենատորներ, ԱՄՆ գլխավոր դատախազի տեղակալ, պաշտպանական ձեռնարկությունների ղեկավարներ, Սպիտակ տան մամուլի քարտուղար Կարին Ժան Պիերը, ինչպես նաև ԱՄՆ նախագահ Վալերի Բայդենի եղբայրներն ու քույրերը՝ Ջեյմս Բայդենը և Ֆրենսիս Բայդենը։