«Օրհասական պահին կարևորագույն օրակարգերը թողած` մտել են մեր խոհանոց»․ Լիլիթ Գալստյան

ԱԺ «Հայաստան» խմբակցության պատգամավոր Լիլիթ Գալստյանը «Երկիր Մեդիա» հեռուստաընկերության եթերում անդրադարձել է ԱԺ նախագահ Ալեն Սիմոնյանի հայտարարությանը, ըստ որի՝ ««Հայաստան» դաշինքը շուտով մասնատվելու է, քանի որ միատարր չէ․ անհատները մանդատները վայր են դնելու, մնալու է Դաշնակցությունը՝ որպես մեծամասնություն»։

«Այս օրերին, երբ մեր պետականությունը օրհասական, ճակատագրական կոլապսի է բախվել, թողած այդ օրակարգերը՝ մտել են մեր խոհանոց։ Չեմ ուզում Ալեն Սիմոնյանին մեկնաբանել, որովհետև դա ինձ համար բամբասանքի շարքից է, դա իր սեփական եզրակացությունն է, ես բամբասանքներ չեմ ուզում մեկնաբանել»,- ասել է պատգամավորը։