ԱՄՆ-ն Ուկրաինային կտրամադրի 4,5 միլիարդ դոլար բյուջետային աջակցություն

1263

Երեքշաբթի, 22 նոյեմբերի, 2022 թ., 21:48

ԱՄՆ-ն Ուկրաինային կտրամադրի 4,5 միլիարդ դոլար լրացուցիչ ուղղակի բյուջետային աջակցություն։ Այս մասին հայտնում է Միացյալ Նահանգների ֆինանսների նախարարության կայքը։

Ֆինանսների նախարար Ջանեթ Յելենը նշել է, որ այդ միջոցները կտրամադրվեն առաջիկա շաբաթների ընթացքում և կօգնեն Ուկրաինայի կառավարությանը՝ ամրապնդել տնտեսական կայունությունը։ Դրանք կուղղվեն հիվանդանոցների աշխատողներին, պետական ծառայողներին ու ուսուցիչներին աշխատավարձեր վճարելուն, ինչպես նաև տարեցներին և բնակչության խոցելի խավերին սոցիալական աջակցություն ցուցաբերելուն։
Այս միջոցների հետ միասին Ուկրաինային ԱՄՆ ուղղակի բյուջետային աջակցության ընդհանուր գումարը կկազմի 13 մլրդ դոլար, որը բոլորը կտրամադրվեն դրամաշնորհների տեսքով, ասել է ֆինանսների նախարարը։ Յելենը նաև հորդորել է մյուս դոնորներին ավելացնել և արագացնել օգնությունն Ուկրաինային։

Բացի բյուջետային աջակցությունից, ԱՄՆ-ը ռազմական օգնություն է ցուցաբերում Կիևին։ Այսպիսով, փետրվարի 24-ից Ուկրաինա զենք և այլ սարքավորումներ փոխանցելու ԱՄՆ պարտավորությունների ընդհանուր գումարը մոտեցել է 19,3 միլիարդ դոլարին։ Նոյեմբերի 10-ին հայտարարված օգնության փաթեթը ներառում է Avenger հակաօդային պաշտպանության չորս համակարգեր, Hawk հակաօդային պաշտպանության համակարգերի զինամթերք և HIMARS բազմակի հրթիռային կայաններ, 100 Humvee ռազմական զրահամեքենա, 400 նռնականետ և տասնյակ հազարավոր հրետանի և ականանետեր։