«ԱՄԷ ու Սաուդյան Արաբիան այդով թերևս ընդգծում են իրենց դերակատարության աճող տրամաչափը». Հակոբ Բադալյան

Քաղաքական մեկնաբան Հակոբ Բադալյանի գրառումը. «Արաբական Միացյալ Էմիրություններն ու Սաուդյան Արաբիան հայտարարություն են տարածել, որ ՌԴ և ԱՄՆ միջև բանտարկված քաղաքացիներ Բուտի և Գրայների փոխանակման հարցը լուծվել է նաև իրենց միջնորդական ջանքի շնորհիվ:

Հատկանշական է, որ դա տեղի է ունենում Չինաստանի նախագահի սաուդական այցին զուգահեռ, որտեղ տեղի կունենա նաև Պեկինի և արաբական երկրների առաջին Վեհաժողովը:

ԱՄԷ ու Սաուդյան Արաբիան այդով թերևս ընդգծում են իրենց դերակատարության աճող տրամաչափը: Հայաստանը պետք է գտնի այդ ուղղության վրա ավելի մեծ դիվանագիտական ուշադրություն կենտրոնացնելու հնարավորություն և ռեսուրս՝ հարկ եղած դեպքում ներգրավելով ոչ կառավարական խողովակները»: