«ԵՄ-ն Ղարաբաղում չունի ներկայություն, որը թույլ կտա ավելի լավ հասկանալ իրավիճակը». ԵՄ խոսնակ

Դեկտեմբերի 3-ին և 12-ին մի խումբ ադրբեջանցիաներ «բնապահպանական» պատճառաբանությամբ փակել են Արցախը Հայաստանին կապող հումանիտար միջանցքը, որի գործունեությունը սահմանված է 2020 թվականի նոյեմբերի 9-ի եռակողմ հայտարարության 6-րդ կետով: Արցախի մարդու իրավունքների պաշտպանն ահազանգել է հնարավոր հումանիտար ճգնաժամի մասին:

«Լուրեր»-ը ԵՄ արտաքին քաղաքականության հարցերով գրասենյակից փորձել է հետաքրքրվել, թե Ժոզեպ Բորելի ղեկավարած կառույցն ի՞նչ է կարծում Լաչինի հումանիտար միջանցքի՝ ադրբեջանցիների կողմից փակման մասին: ԵՄ արտաքին քաղաքականության հարցերով մամուլի խոսնակ Փեթեր Սթանոն, ի պատասխասխան հարցմանը, նշել է. «ԵՄ-ն տեղյակ է դեկտեմբերի 3-ից Լաչինի միջանցքի շուրջ տեղի ունեցող տարբեր զարգացումներին: Մենք նաև ուշադիր հետևում ենք այսօրվա զարգացումներին։ ԵՄ-ն Ղարաբաղում չունի ներկայություն, որը թույլ կտա մեզ ավելի լավ հասկանալ իրավիճակը, բայց մենք հետևում ենք բաց աղբյուրներից հայկական և ադրբեջանական բազմաթիվ հաղորդումներին, կապի մեջ ենք Հայաստանի և Ադրբեջանի պաշտոնյաների հետ:

ԵՄ-ն կրկնում է գործողություններում զսպվածության և սադրիչ հռետորաբանությունից խուսափելու իր կոչերը: ԵՄ-ն նաև հույս է հայտնում, որ Ղարաբաղի հայ բնակչության իրավունքների և անվտանգության վերաբերյալ այդքան անհրաժեշտ բանակցություններն արդյունք կտան ու կթուլացնեն լարվածությունը»։

Առավել մանրամասն՝ սկզբնաղբյուրում: