«Կառավարությունը պետք է ՄԱԿ-ի ԱԽ օրակարգում առաջարկի վերացնել Ադրբեջանի կողմից Լաչինի միջանցքը փակելը». Արթուր Սաքունց

Իրավապաշտպան Արթուր Սաքունցը գրում է. «Հայաստանի Հանրապետության կառավարությունը, ե՞րբ, եթե ոչ հիմա, պետք է հրատապ կարգով ՄԱԿ Անվտանգության խորհրդի օրակարգում առաջարկի վերացնել Ադրբեջանի ռեժիմի կողմից Լաչինի միջանցքի փակելը, որը հանդիսանում է Լեռնային Ղարաբաղի (Արցախի) ժողովրդի կյանքի ու անվտանգության դեմ ուղղված անմիջական սպառնալիք, որն ինքնին հանդիսանում է միջազգայնորեն ճանաչված մարդու իրավունքների շարունակական ու անպատիժ խախտում՝ հանգեցնելով մարդասիրական ճգնաժամի:

Ադրբեջանն ու ալիևյան ռեժիմը Ռուսաստան ու պուտինյան ռեժիմ չի, որ կարողանա անպատիժ դեմ գնա միջազգային նորմերին: Էլ ինչ պետք է տեղի ունենա, որ վերջնականապես համոզվեք. ՌԴ-ն որպես ագրեսոր պետություն չի կարող որևէ խաղաղապահ առաքելություն իրականացնել»: