ԱԺ-ն Լաչինի միջանցքի փակման հետ կապված նիստ կանցկացնի

ԱԺ-ում խորհրդարանական լսումների ժամանակ ՔՊ-ական պատգամավոր Բաբկեն Թունյանը հայտնեց, որ Լաչինի ճանապարհի փակման հետ կապված՝ այսօր, ժամը՝ 13-13։30-ին, արտահերթ նիստ կանցկացվի։
«Ինչպես գիտեք՝ երեկ առավոտվանից Ադրբեջանը փակել է Լաչինի ճանապարհը։ Այս առիթով կարող են լինել քննադատություններ, որ մենք այս իրավիճակում եկամուտների հայտարարագրման հարց ենք քննարկում, բայց սա որոշվել էր դեռևս երկու շաբաթ առաջ, սա մյուս հարցի հետ խառնել չի կարելի»,- ասաց Բ․ Թունյանը։