«Մեր կառավարությո՞ւնն է փակել Լաչինի միջանցքը, որ ընդդիմությունը գնում է այնտեղ ցույց անելու»․ Վլադիմիր Վարդանյան

Արցախում ստեղծված իրավիճակի հետ կապված՝ ԱԺ արտահերթ նիստում ՔՊ-ական Վլադիմիր Վարդանյանը հարց ուղղեց Հայկ Կոնջորյանին՝ ասելով․ «Մեր ընդդիմությունը հայտարարեց, որ գնում է ժամը 16։00-ին Կառավարության դիմաց ցույց անելու, ուզում եմ հարց տամ էլի․ կարող ա՞ ես եմ ինչ-որ բան մոռացել, մեր կառավարությունն է փակե՞լ Լաչինի միջանցքը, իմաստը որն ա՞, եթե այդպես ա՝ ես էլ գնամ միտինգի, եթե չէ, ապա ուզում եմ տրամաբանությունը հասկանալ և մեր ժողովրդին բացատրեմ այդ տրամաբանությունը»։
«Շատ լեգիտիմ հարց եք տալիս, բայց կարծում եմ՝ արդեն զարմանալի չի ընդդիմության նման պահվածքը, որովհետև մեկ անգամ չի, որ ընդդիմությունը հրապարակային կերպով ՀՀ-ին է մեղադրել պատերազմ սանձազերծելու մեջ»,- արձագանքեց Կոնջորյանը։