«Հստակ քայլերով գնում են «Մեծ թուրան» ստեղծելու երազանքի ետևից». Արթուր Արամյան

Օգտատեր Արթուր Արամյանը ֆեյսբուքյան իր էջում լուսանկար է հրապարակել՝ կից գրելով. «Հերթական բնապահպան հանդես եկող Միքայել Հասանլին է, ով նույնպես գտնվում է Բերձորի միջանցքը փակած ադրբեջանական՝ սադրիչների, ուժային կառույցների աշխատակիցների և ծայրահեղականների շարքերում։ Ահա թե ինչու էինք ասում, որ այս ամենը նախորոք մշակված հատուկ գործողությունների պլան է և պատահական չէր, որ այնտեղ էին թուրքական ներկայացուցիչներ։ Կարծում եմ, որ արդեն հասկանալի է շատերիդ, թե որտեղից են նրանք կառավարվում և ով է նրանց հրամաններ իջեցնողը, իսկ այդ ամենի վառ ապացույցներից է նաև Թուրքիայի ԱԳՆ-ի պաշտոնական հայտարարությունը առ այն, որ նրանք աջակցում և ողջունում են՝ Ադրբեջանի կողմից Բերձորի միջանցքը փակելու քայլը։

Էրդողանն է կանգնած այս ամենի ետևում և նրանք հստակ քայլերով գնում են «Մեծ թուրան» ստեղծելու երազանքի ետևից, որի տապալումը պետք է լիներ կամ լինի՝ հենց Հայաստանի մատույցներում կամ Հայոց հողում»։