«Արցախի ՊԲ-ն Լաչինում պետք է տանտիրոջ պես իրեն պահի, Բաքուն և Անկարան ռազմական բախում են հրահրում». Սեյրան Օհանյան

Իրավիճակը Լաչինում բավական բարդ է, թուրք-ադրբեջանական տանդեմի կողմից կարող է վերածվել խոշոր ռազմական բախման ու Հայաստանն ամբողջովին ենթարկեցնեն իրենց: Այս մասին 24TV-ի հաղորդման ժամանակ ասաց ԱԺ «Հայաստան» խմբակցության ղեկավար, Պաշտպանության նախկին նախարար, գեներալ-գնդապետ Սեյրան Օհանյանը:
Օհանյանի կարծիքով, միջազգային հանրության ճնշման ներքո ադրբեջանցիները կարող են ճանապարհը բացել, բայց խնդիրը չի լուծվելու և շարունակելու են իրենց սադրանքները, այդ պատճառով պետք է ամրապնդենք մեր անվտանգությունը: Իսկ Արցախի ժողովուրդը պետք է կամք դրսևորի և շարունակի ապրել իր պատմական հայրենիքում:

«Արցախի Պաշտպանության բանակը երկար ժամանակ պետք է գոյություն ունենա, դա Արցախի ժողովրդի իրավունքն է, միևնույն ժամանակ խաղաղապահ ուժերի հետ համագործակցությունը պետք է բարձր մակարդակի վրա դրվի, որոշ հարցերում պատասխանատվությունը վերցնի իր ձեռքը և տանտիրոջ պես պահի:
Մեր շահերի համար ամեն ինչ պետք է անենք՝ խելացի համագործակցենք ՌԴ-ի հետ, նաև խելացի լինենք պահանջատիրության հարցում»: Անդրադառնալով այս օրերին իշխանության հնչեցրած հայտարարություններին՝ Օհանյանը նշեց, որ Հայաստանի իշխանությունը որևէ պատասխանատվություն չի վերցնում իր վրա Լաչինի միջանցքի հետ կապված, չի պատկերացնում, թե ինչ վիճակում է գտնվում հայ ժողովուրդը:

«Այսօրվա իշխանությունը ապրում է Երևանում՝ ասֆալտի վրա, չեն գիտակցում, որ ունեն սահմաններ ու պետք է պաշտպանեն, գործում են իրավիճակից դուրս, այս իրավիճակում, երբ մեր հայրենակիցները գազ չունեն, շրջափակման մեջ են, Հայաստանի ղեկավարությունն ինքն իրեն է պարգևատրում»,- ավելացրեց նա:

Մանրամասները՝ տեսանյութում: