«Անիմաստ ժամանակ վատնելու փոխարեն կարող էր հանրօգուտ աշխատանքով զբաղվել». Գեղամ Մանուկյան

209

Կիրակի, 18 դեկտեմբերի, 2022 թ., 13:36

«Իշխանության ամբողջ վերնախավը գնացել էր Ջերմուկ՝ իրենց կուսակցական հարցերով, չգիտեմ՝ փարթի էին անում, թե ինչ էին անում: Մի ամբողջ շաբաթ օր, փաստորեն, անիմաստ ժամանակ է վատնում, փոխարենը Փաշինյանը կարող էր շատ ավելի հանրօգուտ աշխատանքով զբաղվել»,- այս մասին 168 TV-ի եթերում ասել է ՀՅԴ-ական գործիչ, ընդդիմադիր խմբակցության պատգամավոր Գեղամ Մանուկյանը՝ անդրադառնալով Լաչինի միջանցքում ստեղծված իրավիճակին ու ՔՊ-ի երեկվա նիստին:

Հիշեցնենք՝ նախօրեին Ջերմուկում տեղի է ունեցել «Քաղաքացիական պայմանագիր» կուսակցության քաղաքական ժողովի նիստը, որը վարել է վարչության նախագահ, ՀՀ վարչապետ Նիկոլ Փաշինյանը։ Ըստ ՔՊ-ի տարածած հաղորդագրության՝ քննարկվել են արտաքին և ներքին քաղաքականությանը, կուսակցության զարգացման ռազմավարությանն առնչվող, ինչպես նաև կազմակերպչական բնույթի հարցեր։