«Արդյո՞ք շարունակում եք պնդել, որ Ադրբեջանի կազմում հնարավոր է ապահովել արցախահայության անվտանգությունը»․ ուսանողները՝ Կառավարությանը

Ուսանողներն այս պահին Կառավարության շենքի մոտ են: Նրանք պահանջում են քայլեր ձեռնարկել Արցախը Հայաստանին կապող ճանապարհը բացելու ուղղությամբ: Պահանջագրում մասնավորապես նշվում է․ «Պահանջում ենք հավուր պատշաճի ձևակերպել պաշտոնական միջնորդություն և սեղմ ժամկետում ներկայացնել ՄԱԿ-ի գլխավոր քարտուղարին և ՄԱԿ-ի կանոնադրությունից բխող կոնկրետ կանխարգելիչ միջոցներ ձեռնարկելու առաջարկությամբ։ ՀՀ ԱԺ քննարկմանը ներկայացնել Արցախի Հանրապետությունը ճանաչելու մասին օրենքի նախագիծ։ Դիմել ՄԱԿ-ի ԱԽ՝ Արցախում և Բերձորի միջանցքում ՄԱԿ-ի մանդատով առաքելություն տեղակայելու պահանջով և հանրային կերպով տալ հստակ քաղաքական դիրքորոշում՝ արդյո՞ք շարունակում եք պնդել, որ Ադրբեջանի կազմում միջազգային երաշխիքներով հնարավոր է ապահովել արցախահայության անվտանգությունը»։