«Արցախի իշխանություններն ունեն առյուծի բաժին՝ իրավիճակը շտկելու»․ Հայկ Նահապետյան

Ռազմական փորձագետ Հայկ Նահապետյանը 168 TV-ի եթերում անդրադարձել է Արցախում ստեղծված իրավիճակին․ «Արցախի իշխանություններից շատ բան է կախված: Այսօր մեր դիմադրության ճակատն անցնում է Ստեփանակերտով և ոչ Երևանով, ի դեպ, ինչպես 1988-1991 թվականներին: Նրանք պետք է գիտակցեն այս մեծ առաքելությունը և պատասխանատվությունը, որ իրենց ուսերին դրված է։ Արցախի իշխանություններն ունեն առյուծի բաժին՝ իրավիճակը շտկելու, որոշումների կայացման և կայացած որոշումները կյանքի կոչելու իրավունք ունեն, իսկ ՀՀ իշխանությունները ձեռքերը ամբողջովին լվացել են, ընդհակառակը՝ թիկունքից խփում են, ապատեղեկատվություն են տարածում. ռուս խաղաղապահների և Ռուսաստանի նկատմամբ անբարյացակամ վերաբերմունքի աստիճանն օր օրի մեծացնում են»: