«Երբ երթևեկությունը կոլապսի մեջ է, մեկի մտքով անցել է՝ միջոցառում անել փողոցի կենտրոնում». Սամվել Գևորգյան

Բիզնես-փորձագետ Սամվել Գևորգյանի ֆեյսբուքյան գրառումը. «Այնպիսի բան ասեմ, որ մարդկային բանականությունն անհնար է այսքան երևակայություն ունենա՝ ընկալելու այս հիմարությունը: 10:15-ին Զեյթունից իջնում եմ Դավիթաշեն: Ահավոր խցանում, 45ր անց հասա Վաղարշյան խաչմերուկ: Պարզվեց Դավիթաշենի կամուրջը փակ է, 29 մեքենա վթարի են ենթարկվել: Կարևորը մարդկանց բան չլինի: Մտա Մերգելյանով, Բլուրով, Կիևյան, Հալաբյան, Դավիթաշեն գյուղ: 30ր անց հասա Տիգրան Պետրոսյան փողոցի սկիզբ: Ամբողջ ենթևեկությունը կանգնած է: Ոչ ոք չի հասկանում ինչ է տեղի ունենում: Ուղղակի կանգնած: Կողքիս մեքենայի վարորդը բարձրացավ մեքենայի վրա՝ հասկանալու՝ ինչ է կատարվում: Ու բարձրաձայն հիստերիկ ծիծաղով.

- Վայ, հորս արև:

Պարզվեց ձմեռ պապիկներ են փողոցը փակել: Երբ կամուրջը փակ է, երթևեկությունը կոլապսի մեջ, մեկի մտքով անցել է, որ միջոցառում անի հենց փողոցի կենտրոնում: Առավոտյան ժամը 11:30: Կատարյալ խենթություն: Պարեկին ասում եմ, ինչի չեք կարգավորում, թե բա, երեխաներ են, ինչ կարող եմ անել: Չգիտեմ ով է կազմակերպիչը, որ չի համաձայնեցում իր որոշումը ոստիկանության հետ: Ոստիկաններն էլ կարող էին միակողմանի փակել: Գոնե:
Այսպիսի բաներ: Ու այսպես մի 45ր ևս:
Դավթաշենում գործս տևեց 7 րոպե: 13:15 հասա կենտրոն»: