«Լաչինի միջանցքը, նույնիսկ եթե բացվի, տեռորի գործընթացը շարունակվելու է». Արմեն Աթալյան

Լրագրող Արմեն Աթալյանը ֆեյսբուքյան իր էջում գրել է. «Լաչինի միջանցքը նույնիսկ եթե բացվի, գործընթացը շարունակվելու ա, տեռորի գործընթացը նկատի ունեմ: Անցնելու ա 1 շաբաթ, ու հիմա էլ ասենք ադրբեջանցի ֆեմինիստները կամ թիթեռասերներն են փակելու ճանապարհը: «Ճամփով մեքենաները գնում-գալիս են, թիթեռներին են լխճում, ըստ այդմ դեմ ենք երթևեկությանը»,- ասելու են: Էս լավագույն դեպքում, իսկ վատագույնում՝ նոր սադրանքը կրելու ա ավելի թեժ բնույթ ու տարածվելու ա Հայաստանի տարբեր մարզերի ուղղությամբ: Հիմա դա ինչի՞ հետևանքն ա, ճիշտ ա, մեր թուլության: Հայաստանը շատ թույլ ա, այսինքն թույլ ա մեր բանակը, իսկ ինչո՞ւ, որովհետև էս շենքում նստած ձյաձյաներն ու ծյոծյաները, փոխանակ զինված ուժերն արդիականացնեն, վերազինեն, բարեփոխեն, ռազմարդյունաբերություն զարգացնեն, քաղպաշտպանությունը կարգի բերեն, 2 տարի ֆլոմով թիթեռ են նկարում, չեմ ասի, թե որտեղ: Չկա էս աշխարհում մեզ համար ավելի կարևոր գործոն, քան հայկական բանակն ա, ու չկա էս դժոխքից դուրս գալու այլ տարբերակ, քան էս շենքի բնակիչներին պարտադրված արձակուրդի ուղարկելը: Ուրիշ ոչինչ արդյունք չի տալու, ուզում ենք գլխներիս վրա ստոյկա տանք կամ հետևներովս էքսկալիբուռ կրակենք»: