«Հույս ունեմ, որ ՀՀ իշխանությունը նպատակ ունի ստիպել ռուս խաղաղապահներին գործել և բացել Լաչինի միջանցքը». Արթուր Ղազինյան

ԱԺ նախկին պատգամավոր Արթուր Ղազինյանը գրում է. «Լաչինի միջանցքը փակել են Ադրբեջանի և Թուրքիայի հատուկ ծառայությունները. թիրախում Ռուսաստանի խաղաղապահ առաքելությունն է, իսկ նպատակը՝ տարածաշրջանից դուրս մղել Ռուսաստանին և ավարտին հասցնել Թուրքիայի կողմից Հայաստանի գաղութացման գործընթացը:

Հայաստանի իշխանությունները և նրանց հետ աֆիլացված քաղակտիվիստները Լաչինի միջանցքը փակ լինելու համար նույնպես մեղադրում են ռուս խաղաղապահներին, այսինքն՝ թիրախավորում և մեղավոր են նշանակում այն նույն թիրախը, որ ունեն թուրք-ադրբեջանական զույգը:

Լինելով ավարտված լավատես, հույս ունեմ, որ մեղադրելով ռուսներին, Հայաստանի իշխանությունը նպատակ ունի ստիպել ռուս խաղաղապահներին գործել և բացել Լաչինի միջանցքը:

Միևնույն ժամանակ գիտակցում եմ, որ լավատեսությունը նաև ինքնախաբեություն է. իրականությունը հաճախ տարբերվում է մեր ցանկություններից...»: