«Մենք պատանդ ենք մեր տանը. աշխա՛րհ, իսկ դու լուռ ես». Սոնա Ադամյան

Ստեփանակերտի Վերածննդի հրապարակում ընթացող բազմահազարանոց հանրահավաքի ժամանակ արցախցի Սոնա Ադամյանը դմեց միջազգային հանրությանը. «Չսանձելով Ադրբեջանի ծավալապաշտական նկրտումները, ուղղակի աջակցում եք Արցախի հայաթափմանը՝ անտարբեր լինելով արցախահայության պահանջներին: Գուցե ձեր մեծ շահերի կետերում մենք տեսանելի չենք, բայց կա՛նք, կա՛նք ու ապրում ենք՝ որպես հզոր ուժ, որպես Արցախ: Ո՞ւմ են պետք ձեր հզոր մրցանակներ շահած ֆիլմերը, որտեղ բարին հաղթում է չարին, իսկ այսօր մի ժողովրդի նկատմամբ իրականացվող կենսական նշանակության խեղդմանն անտարբեր եք.... Մենք, փաստորեն, պատանդ ենք մեր տանը. աշխա՛րհ, իսկ դու լուռ ես: Կոչում եմ քեզ՝ նայի՛ր ու տե՛ս բազմահազար արցախցիների պահանջը, սանձի՛ր թշնամուն»,- ընդգծեց նա: