Արցախ տանող ճանապարհը չբացվեց. ինչ է մանրամասնել Վոլկովի տեղակալը

Երևանի Հանրապետության հրապարակից այսօր առավոտից մեկնարկված մի խումբ քաղաքացիների ավտոերթը դեպի Ստեփանակերտ ընդհատվել է, քանի որ Արցախ տանող ճանապարհն այդպես էլ չի բացվել։ Նրանք հանդիպել են ռուսական զորախմբի հրամանատարի տեղակալի հետ։ Ակցիայի մասնակիցներից մեկը մանրամասներ է ներկայացրել հանդիպումից։

«Ռուսական զորախմբի հրամանատարի տեղակալն էր եկել, նրա ազգանունը չիմացանք։ Մենք մեր պահանջները ներկայացրինք։ Նա ներկայացրեց, որ իրավիճակը լարված է, ինչի մասին մենք էլ գիտենք, երկրորդը՝ իրենք չեն կարող ապահովել մեր՝ անվտանգ այցն Արցախ։ Նա զգուշացրել է, որ դա կարող է լինել բավականին լարված ու վտանգավոր վիճակ, կարող է ամեն ինչ կառավարման վիճակից դուրս գալ»,- ասաց ակցիայի մասնակիցը։ Վոլկովի տեղակալը հայտնել է, որ այս պահին քննարկումներ են ընթանում բարձր մակարդակով՝ առաջարկելով, որ սպասեն այդ պատասխանին։