«Ամենաբազմամարդը պետք է լինեին Ռուսաստանի բողոքի ցույցերը». Ստյոպա Սաֆարյան

Քաղաքագետ Ստյոպա Սաֆարյանը գրում է. «30 տարի կենաց ենք ասել «Հայաստան-Սփյուռք-Արցախ» բարձրագոչ եռամիասնութան անվան տակ։ Ամեն ինչ այնքան կեղծ, փուչիկ ու դեմագոգիկ է եղել, ու դրա տակ այնքան նյութ չի դրվել, որ որևէ մայրաքաղաքում (բացառությամբ Փարիզի) Լաչինի միջանցքի բացման ու Արցախի վտանգավոր պաշարումից դուրս բերելու համար այդ երկրի կառավարությանն ուղղված ցույց չի եղել... Ազգովի առավոտից երեկո աղաղակում ենք ցեղասպանության վտանգի մասին, աջուձախ քննադատում, պահանջում թուրքին հռչակել Հայոց ցմահ թշնամի, բա չե՞ք մտածել, որ օտարներին էլ տրամաբանել գիտեն՝ եթե ոչ մի տեղ ոչ մի զանգվածային ահազանգ չկա, չլինի՞ էս հայերը գույներ են խտացնում ու խաղեր են տալիս: Իսկ ամենաբազմամարդը պետք է լինեին Ռուսաստանի բողոքի ցույցերը, որտեղ այդքան արցախցի էմիգրանտ կա, ու որոնց նախագահ Պուտինն ամիսներ առաջ շատ մտահոգված էր, որ մենք կարող է ստորագրենք Վաշինգթոնյան փաստաթուղթն ու Արցախը թողնենք Ադրբեջանին... Հարգելինե՛րս, եթե ձեր «նախագահն ուզում է Արցախը փրկել անգլոսաքս դավադիր պլաններից», ապա դուք ամենադուխովը պետք է թակեիք Կրեմլի դռները.... Կարծես թե ամենաշատը ձեր նախագահն է ասել, որ ինքը դեմ է անգլոսաքսերի ծրագրերին...»: