«Ուկրաինայում բոլոր արձանները պատված են ավազե պարկերով». Վահրամ Մարտիրոսյան

Լրագրող, գրող, սցենարիստ Վահրամ Մարտիրոսյանը ֆեյսբուքյան իր էջում գրել է. «Ուկրաինայում բոլոր արձանները պատված են ավազե պարկերով, որ չվնասվեն։ Վերջերս նաև պատկերներ կան պաստառներին, որ անցորդներն իմանան, թե ինչ արձան է տվյալ տեղում։ Մակագրությամբ՝ «Բնօրինակը կտեսնեք հաղթանակից հետո»։ Ես էլ քաղաքականությունից քիչ եմ խոսում էստեղ, նույն նկատառումով, բայց, պատահում է, բանավիճում ենք։ Հարցնում են, ինչի՞ց եք վախենում՝ որ Պուտինը Գյումրիի ռազմաբազայից սադրանքներ կանի՞։ Ասում եմ՝ Ադրբեջանն է էսօր Պուտինի ռազմաբազան, որտեղից անընդհատ սադրանքներ է անում։ Իհարկե, էդ ռազմաբազան իր տիրոջը (полезный гяур, կասեր Պիատկովսկին) օգտագործելուց հետո դեն կշպրտի, բայց դա մեզ՝ ինչ. կորուստները հետ չի բերի...
Լուսանկարները. առաջին երեքը՝ Լվով, վերջինը Կիև»։