Լեհաստանը նոր դիվիզիա կստեղծի երկրի արևելքում

Լեհաստանի փոխվարչապետ, ազգային պաշտպանության նախարար Մարիուշ Բլաշչակը հայտարարել է, որ Լեհաստանի իշխանությունները հավանություն են տվել երկրի արևելքում նոր ռազմական կազմավորման՝ Լեգեոնների առաջին հետևակային դիվիզիա ստեղծելու հայեցակարգին, փոխանցում է ՏԱՍՍ-ը։
Նրա խոսքով՝ Լեհաստանի արևելյան հատվածը նախատեսվում է համալրել լեհական զորքերով, այդ նպատակով նոր զորամասեր են ստեղծվում։

«16-րդ մեխանիզացված դիվիզիայի միջև, որը հիմնականում գործում է Վարմիա-Մասուրյան վոյևոդությունում և 18-րդ մեքենայացված դիվիզիայի միջև, որը հիմնականում գործում է Մազովյան և Լյուբլինի վոյևոդություններում, ստեղծվում է Առաջին լեգեոնի հետևակային դիվիզիան, որը գործելու է հիմնականում Պոդլասկիի վոյևոդության տարածքում»,- հայտնել է նախարարը։

Բլաշչակը հավելել է, որ նոր ստորաբաժանումը նախատեսվում է համալրել ամերիկյան Abrams տանկերով և հարավկորեական K-2 տանկերով, լեհական արտադրության Krab ինքնագնաց հաուբիցներով, հարավկորեական K-9-ներով և անօդաչու հետախուզական համակարգերով։

Ավելի վաղ Լեհաստանի նախագահի աշխատակազմի ներկայացուցիչ Յակուբ Կումոչը հայտնել էր, որ Լեհաստանի իշխանությունները դիտարկում են Ուկրաինա խորհրդանշական քանակությամբ Leopard տանկեր տեղափոխելու հնարավորությունը, փոխանցում է RT-ն։