«Ադրբեջանի ԶՈւ-ն 1,5 տարի չէ, որ ՀՀ տարածքում է, այլ՝ 30». Փաշինյան

ՀՀ վարչապետ Նիկոլ Փաշինյանն ասուլիսում հայտարարեց, որ Ադրբեջանի ԶՈւ-ն 1,5 տարի չէ, որ ՀՀ տարածքում է, այլ՝ 30: «Ադրբեջանի ԶՈՒ-ն 90-ականների սկզբից շուրջ 70-ից ավելի տարածք է օկուպացրել ՀՀ-ից, մասնավորապես՝ Տավուշի, Արարատի մարզերում և այդպես շարունակ: Մենք այս իրողությունը պետք է արձանագրենք: Նաև վերջին 1,5 տարում Ադրբեջանն օկուպացրել է ՀՀ նոր տարածքներ, մեր դիրքորոշումն այն է, որ նրանք պետք է դուրս գան այդ տարածքներից, մենք հետևողականորեն կիրագործենք բոլոր դիվանագիտական միջոցները այդ նպատակին հասնելու համար՝ չդառնալով նոր սադրանքի պատճառ»,- ասաց նա: