«Պետք է Լաչինի միջանցքի փակումը աշխարհին ներկայացվի որպես Ռուսաստանի կողմից աջակցվող շրջափակում». Մարատ Հակոբյան

Քաղաքական վերլուծաբան Մարատ Հակոբյանը Factor TV-ի եթերում համոզմունք է հայտնել, որ եթե Հայաստանը Լաչինի միջանցքի փակումը աշխարհին ներկայացնի ոչ թե միայն Ադրբեջանի կողմից շրջափակում, այլ հենց Ռուսաստանի կողմից աջակցվող շրջափակում, աշխարհի ռեակցիան այլ կլինի․ «Եթե Հայաստանն այդ կտրվածքով հարցը դնի, շատ հնարավոր է՝ Ադրբեջանի քաղաքականությունն էլ փոխվի Արևմուտքի ճնշումների տակ»,- ասել է նա։

Խոսելով օրերս Գյումրիի ռուսական ռազմաբազայի մոտ ԱԺԲ-ի նախաձեռնած «Շրջափակում հանուն ապաշրջափակման» խորագրով ակցիայի մասնակիցներին ոստիկանների կողմից բերման ենթարկելու մասին՝ վերլուծաբանը նկատել է․ «Արևմտյան մամուլի համար տեսարան է ստեղծվում, թե հայ ոստիկանները պաշտպանում են ռուսական ռազմաբազան հայ ժողովրդից։ Սա տարօրինակ է, այն ֆոնի վրա հատկապես, որ ամբողջ աշխարհը ամոթանք է տալիս ՌԴ-ին, իսկ ՀՀ-ում ոստիկանությունը պաշտպանում է նրանց։ Կարող էր ոստիկանությունն ընդամենը կարգը պաշտպանել և անկարգություններ թույլ չտալ․ ռուսներն էլ չեն միջամտում Լաչինի միջանցքում ադրբեջանցիների ակցիային»,- նշել է Հակոբյանը։