Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Դու ընդհանրապես ինչո՞վ ես զբաղված, դու հասկանո՞ւմ ես՝ երկիրն ինչ վիճակի մեջ է»․ Արտակ Զաքարյան

«Դու ընդհանրապես ինչո՞վ ես զբաղված, դու հասկանո՞ւմ ես՝ երկիրն ինչ վիճակի մեջ է»․ Արտակ Զաքարյան
270
Հինգշաբթի, 12 հունվարի, 2023 թ., 19:54

«Փաշինյանն ասում է՝ միջավայր չէինք ստեղծելու, որ Ադրբեջանը կամ Թուրքիան զգան իրենց անվտանգության նկատմամբ սպառնալիք»․ Արտակ Զաքարյան

ՀՀԿ-ական գործիչ Արտակ Զաքարյանը 24TV-ի եթերում անդրադառնալով վարչապետ Փաշինյանի հունվարի 10-ի ասուլիսին՝ նկատել է, որ նա լրատվամիջոցների հարցերին տվել է «ցրողական», անէական, կեղծ պատասխաններ․ «Ես Փաշինյանին կասեի՝ դու ընդհանրապես ինչո՞վ ես զբաղված, դու հասկանո՞ւմ ես՝ երկիրն ինչ վիճակի մեջ է, եկել ես ամբողջը պատմում ես ժողովրդին, նենց էլ հանգիստ տոնով ես պատմում, քեզ դրել ես եվրոպացի փորձագետի տեղ։ Դու՛ ես բոլոր խնդիրների հեղինակն ու պատասխանատուն»։
Խոսելով ՀԱՊԿ զորավարժություններն այս տարի ՀՀ-ում չանցկացնելու մասին՝ Զաքարյանը կարծիք է հայտնել, որ խնդիր չի զորավարժությունը չեղարկելը, քան չեղարկելու՝ Փաշինյանի բացատրությունը․ «Ասում է՝ մենք միջավայր չէինք ստեղծելու, որ Ադրբեջանը կամ Թուրքիան զգան իրենց անվտանգության նկատմամբ սպառնալիք։ Իսկ Ադրբեջանը այս ընթացքում արդեն չորս զորավարժություն է արել»։
Ըստ Զաքարյանի՝ լրիվ հակառակ պատկերն էր Ադրբեջանի նախագահ Ալիևի ասուլիսի ժամանակ․ «Այդ ցուցադրությունը, որ սարքեցին Բաքվում, ծաղրալից, հեգնական տոնով Հայաստանն այլևս որպես պետություն չդիտարկելու, ՀՀ սահմանները կամայական ձևով վերափոխելու մասին էր։ Ալիևը ցուցադրեց 26 տարվա իր պարտության արդյունքում վերջին երեք տարիների շռնդալից հաղթանակ տարած ղեկավարի կերպարը»։

«Դու ընդհանապես ինչո՞վ ես զբաղված, դու հասկանո՞ւմ ես՝ երկիրն ինչ վիճակի մեջ է»․ Արտակ Զաքարյան