«Եթե Ադրբեջանը կամ Թուրքիան որոշեն ինչ-որ գործողություններ կատարեն, առաջադեմ հանրությունը գալու է ձեզ փրկի՞»․ Ա․ Աբովյան

ՀՀ ԱԺ նախկին պատգամավոր Արման Աբովյանը այսօր՝ «Ինչպես փրկել Արցախը» խորագրով քննարկման ընթացքում կարծիք է հայտնել, որ ՀՀ իշխանությունների քաղաքականությունը բերել է նրան, որ բոլորիս կյանքը վտանգված է. «Հակառուսական, հակաամերիկյան… պրոհայկական խոսք մենք կլսե՞նք: Մենք պետք է հասկանանք մի բան, եթե սենց շարունակվեց պատերազմը անխուսափելի է»:

Խոսելով Լաչինի միջանցքի ապաշրջափակման հարցում Արևմուտքից սպասելիքների մասին՝ Աբովյանը նկատել է. «Երբ ասում են՝ 21-րդ դարն է, միջազգային հանրությունը թույլ չի տա, Արևմուտքը կգա և մեզ կփրկի… ես չեմ զլացել և հաշվել եմ՝ Արևմուտքից 60-ից ավելի հայտարարություններ, կոչեր, երդումներ, որ Ադրբեջանը բացի ճանապարհը և գեթ մեկ պուճուրիկ պատժամիջոց չի կիրառվում: Ձեզ թվում է, եթե Ադրբեջանը կամ Թուրքիան որոշեն ինչ-որ գործողություններ կատարեն, այսպես կոչված առաջադեմ, համաշխարհային հանրությունը գործերը թողած գալու են ձեզ փրկե՞ն. ինքը իրան հիմա չի կարում փրկի: Սա ասում եմ նրա համար, որ սին հույսեր մենք չփայփայենք»,- շեշտել է Աբովյանը: