«Պարգևատրելու մոլուցքը ձեր մեջ է, ոչ թե մեր». Արծվիկ Մինասյանը՝ ՔՊ-ականներին

ԱԺ նիստի ընթացքում «Հայաստան» խմբակցության՝ քննարկված նախագծերին դեմ կամ ձեռնպահ քվեարկելու հանգամանքին անդրադառնալով՝ ԱԺ փոխնախագահ Ռուբեն Ռուբինյանն ասաց. «Ես այսպես եմ պատկերացնում ընդդիմության քաղաքականությունը. եթե բոլոր նախագծերին ընդդիմությունը քվեարկում է ձեռնպահ, կարո՞ղ եմ ենթադրել, որ ընդդիմություն, ուղղակի քվեարկում է, որպեսզի չզրկվի աշխատավարձերից, որ տեխնիկական պահանջը կատարի: Արդյո՞ք կարող եմ ենթադրել, որ իրենց տրված մանդատը չեն իրացնում, սա քաղաքական աբսուրդ է»:
Ի պատասխան Արծվիկ Մինասյանն ասաց, որ «մեծամասնության ներկայացուցիչների կողմից փորձ է արվում հերթական սպեկուլյացիան նետել դաշտ». «Աշխատավարձի և պարգևատրումների թիվ մեկ ջատագովը եղել եք դուք, անընդհատ ձեզ պարգևատրելու մոլուցքը ձեր մեջ է եղել, ոչ թե մեր»,- նշեց պատգամավորը: