«Ի՞նչ գործ ունի Ձեզ նման լուրջ քաղաքական գործիչը նապաստակ փարթիին». Սիմոնյանը՝ Մամիջանյանին

Այսօրվա նիստի ժամանակ ԱԺ փոխնախագահ Ռուբեն Ռուբինյանը մեղադրեց ընդդիմությանը՝ գրեթե բոլոր նախագծերին ձեռնպահ կամ դեմ քվեարկելու համար։ «Պատիվ ունեմ» խմբակցության պատգամավոր Հայկ Մամիջանյանը, արձագանքելով Ռուբինյանին, ասաց․ ««Պատիվ ունեմ» և «Հայաստան» խմբակցությունները դիրքորրոշում են հայտնել մի շատ կարևոր հարցում, որի շուրջ որևէ կարծիք ոչ մեկդ չեք համարձակվում ասել, որ Արցախը երբեք չի՛ լինելու Ադրբեջանի կազմում։ Ես ներողություն եմ խնդրում արցախցիներից, որ ընդհատվող ինտերնետի, բլոկադայի պայմաններում ստիպված են նայել այս նապաստակ նկարոցին»։

Ի պատասխան՝ Ալեն Սիմոնյանը նշեց․ «Ես չեմ հասկանում՝ ի՞նչ գործ ունի Ձեզ նման լուրջ քաղաքական գործիչը նապաստակ փարթիին»։