«Տարիներով աշխատել են էդ տարածքում, իրենց համար նորմալ է եղել, հիմա զարմանում են, թե ինչի ա էսօր աննորմալ». Քերոբյան

ՀՀ էկոնոմիկայի նախարար Վահան Քերոբյանն այսօր ԱԺ-ում լրագրողների հետ զրույցում անդրադարձել է Քաղաքաշինության, տեխնիկական և հրդեհային անվտանգության տեսչական մարմնի ղեկավարի կողմից «Մալաթիա» տոնավաճառի փակման որոշմանը. «Տարիներով աշխատել են էդ տարածքում, իրենց համար նորմալ է եղել, հիմա զարմանում են, թե ինչի ա էսօր աննորմալ: Վաղ թե ուշ էդ օրը գալու էր, ավելի լավ ա, որ էսօր ա եկել, ոչ թե «Սուրմալուի» պես օր»,- ասել է նախարարը:

Նրա հավաստմամբ՝ «Մալաթիա» տոնավաճառի մոտակայքում կան առևտրի կենտրոններ, որոնցում աշխատակիցները, իր խոսքով, հանգիստ կարող են տեղ ճարել և շարունակել բիզնես գործունեությունը: