«Այսքանից հետո քաղաքական դաշտը հայհոյում է Լավրովին». Բորիս Մուրազի

Լրագրող Բորիս Մուրազին ֆեյսբուքյան իր էջում գրում է. «Հայաստանի առաջին նախագահ Տեր-Պետրոսյանը առաջարկում էր հանձնել Արցախը, որ Սերգոն սկսի լավ ապրել, երկրորդ և երրորդ նախագահները բանակցում էին նախկին ԼՂԻՄ-ը և Հայաստանի հետ կապ պահելու, իսկ մնացած շրջանները վերադարձնելու հարցը (ասում են, ոչ մի բան էլ չէին ուզում վերադարձնել, ժամանակ էին ձգում, բայց սա արդեն էական չի, քանի որ պաշտոնական բանակցությունները այլ բանի մասին էին), Նիկոլը եկավ, ոչ միայն Արցախն ու հարակից շրջանները հանձնեց, այլև հանձնեց բուն Հայաստանից հատվածներ, իսկ Պրահայում ընդունեց, որ Արցախն Ադրբեջան է։ Ու այսքանից հետո քաղաքական դաշտը հայհոյում է Լավրովին (հիշեցնեմ նաև Հայաստանի ԱԳ նախարարը չէ), ինչ է թե նա հայտարարել է, թե Ադրբեջանը «վերադարձրել» է իր տարածքները։
Այո, ինձ հաճելի չէ Լավրովի խոսքը, հատկապես հիմա, երբ աջակցության խոսքի կարիք ունենք, բայց ինչ ունեմ իրենից պահանջելու, եթե ինքներս էս օրի ենք։ Ինձ հետաքրքիր է Լավրով քրֆողները ում են ընտրել։ Ես օրինակ Հայաստան դաշիքն եմ ընտրել»: