«Հայտարարությունը հանցագործության տարրեր է պարունակում». Նարինե Դիլբարյան

Հայոց լեզվի պատմության ամբիոնի դոցենտ Նարինե Դիլբարյանը գրում է. «ՔՊ պատգամավոր Գուրգեն Արսենյանն այսօր ԱԺ լսումներին հոխորտալի բարձրաձայնեց հակասահմանադրական, հակաիրավական, հակամարդկային մի կարգախոս՝ 120 հազար արցախահայության խնդիրը չգերագնահատենք, «փրկենք» ՀՀ 3 մլն բնակչությանը։ Վերաշարադրումն ազատ է։ Նման հայտարարությունը տարբեր իշխանությունների օրոք պատգամավոր եղած անձի կողմից հանցագործության ակնհայտ տարրեր է պարունակում՝ ՀՀ քաղաքացիների խտրականություն-տեսակավորում՝ ըստ բնակության վայրի։ Համոզված եմ, որ ՀՀ դատախազությունը պետք է զբաղվի այս հայտարարությամբ։ Նվազագույնը ՀՀ ԱԺ էթիկայի հանձնաժողովը պետք է գնահատական տա։ Եթե ոչ, ապա դա կգնահատվի որպես պաշտոնական դիրքորոշում։ Իսկ պետության գլուխ չի կարող լինել մի կուսակցություն, որը խտրականություն է դնում իր քաղաքացիների միջև, հրաժարվում է իր նախընտրական խոստումներից և իր կառավարության ծրագրից»։