Ոչ թե Տրնդեզ, այլ՝ Տյառնընդառաջ. Վահրամ ավագ քահանա Մելիքյանը՝ տոնի մասին

Վահրամ ավագ քահանա Մելիքյանը ֆեյսբուքյան իր էջում գրել է. «Հայ Առաքելական Եկեղեցին Սուրբ Ծնունդից 40 օր հետո տոնում է Տյառնընդառաջը կամ 40-օրյա Մանուկ Հիսուսին Տաճար ընծայելու տոնը և ոչ թե Տրնդեզը։
2️⃣ Հայ Եկեղեցում տրնդեզ անունով տոն չկա։ Դա ժողովրդական անվանումն է, որը ժողովուրդը (ոչ եկեղեցին) կապում է Տյառնընդառաջի հետ՝ նկատի ունենալով բուն տոնի նախատոնակին հաջորդող խարույկը։
3️⃣ Տյառնընդառաջի եկեղեցական ողջ ծիսակարգը, շարականները, ընթերցումները և Պատարագը կատարվում են միմիայն Աստվածաշնչի, ի մասնավորի՝ Ղուկասի Ավետարանի 2-րդ գլխի իրադարձությունների շուրջ։ Ուստի մեղադրանքները, թե այդ տոնը հեթանոսություն է կամ կրակապաշտություն, ձեր կողմից աստվածհայհոյություն է։
4️⃣ Փետրվարի 13-ի խարույկը եկեղեցական որևէ հիմք ու հրահանգ չունի։ Եթե այն չարվի, ոչին օրվա տոնական հոգևոր խորհրդից չի պակասի։ Այն պարզապես դարավոր ազգային-ժողովրդական տոնակատարության ձև է։
5️⃣ Այս ավանդույթի ընթացքում
Եկեղեցին կտրականապես արգելում է կրակի շուրջը պտտվելը, գուշակություններ անելը և այլ սնահավատական դրսևորումներ»։