«Շոուն շարունակվում է». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրում է. «Ենթադրում եմ, որ գեներալ Գրիգորի Խաչատուրովի նկատմամբ քրեական վարույթը կշարունակվի մի քանի տարի, ՔՊ-ական իշխանությունը ժողովուրդջանին ցույց կտա, թե ինքը ինչքան անհանդուրժող է «նախկին թալանչիների» հանդեպ։ Նիկոլ Փաշինյանի իշխանության 5-դ տարում, նոյեմբերի 9-ի կապիտուլյացիայից ավելի քան երկու տարի անց ընդդիմությունը իր պայքարի նպատակը դարձնելով ոչ թե իշխանափոխությունը, այլ Գրիգորի Խաչատուրովին, Սեյրան Օհանյանին, Արմեն Չարչյանին քրեական հետապնդումից, ազատազրկումից պաշտպանելը, հանրությանը ցույց կտա, որ ինքը ինչքան ուժեղ է պայքարում պատերազմում պարտված, Արցախի մեծ տարածքները, Հայաստանից տարածքներ հանձնած իշխանության դեմ։
Վերջում Գրիգորի խաչատուրովին դատարանը կամ կարդարացնի, կամ՝ վաղեմության ժամկետի հիմքով գործը կփակի։ Այս խաղի իմաստը ժամանակ շահելը, հանրությանը մոլորեցնել, մանյովրելն է։ Շոուն շարունակվում է»: