Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Թշնամին նստած է Հրապարակում, ՀՀ սահմաններին, Հադրութում ու Շուշիում, իսկ մենք օր ու գիշեր իրար ենք տշում». Կ. Վրթանեսյան

«Թշնամին նստած է Հրապարակում, ՀՀ սահմաններին, Հադրութում ու Շուշիում, իսկ մենք օր ու գիշեր իրար ենք տշում». Կ. Վրթանեսյան
277
Շաբաթ, 25 փետրվարի, 2023 թ., 01:06

«Ռազմինֆո» մասնագիտացված կայքի համակարգող Կարեն Վրթանեսյանը ֆեյսբուքյան իր էջում գրել է. «Հայրենակիցնե՛ր, երևի նկատել եք, որ այս «բոլորը բոլորի դեմ» խփոցիներին ահագին ժամանակ է՝ չեմ մասնակցում։
Գրեթե բոլորս հասկանում ենք, որ պառակտումից շահում են միայն նիկոլները. Հանրապետության հրապարակինը, Բաքվինն ու Անկարայինը... Հասկանում ենք, բայց և մեծ եռանդով շարունակում ենք մեղավորներ նշանակել ու տշել, որոնք էլ իրենց հերթին նույն եռանդով ձեզ են տշում։
Ինչպե՞ս կարելի է այս քաքամրրիկը (անգլ՝ shitstorm) հանդարտեցնել։ Իմ տարբերակը. ուղղակի դադարել եմ մեկնաբանել, հավանել կամ տարածել ցանկացած նյութ, որտեղ տեսնում եմ մուննաթ, թունավոր ակնարկներ, ընդհանրապես պառակտիչ երանգներ։
Առաջարկում եմ հանգիստ թողնել Մալաթիայի առևտրականներին, էկոակտիվիստներին, ընդդիմության այս կամ այն թևի ներկայացուցիչներին, և այլն, և այլն։ Թշնամին նստած է Հանրապետության հրապարակում և ՀՀ սահմանների գերիշխող բարձունքներում, Հադրութում ու Շուշիում, իսկ մենք օր ու գիշեր իրար ենք տշում։ Որ ո՞ւմ և ի՞նչ ապացուցենք...
Հենց այս գրառման հետ կապված առաջարկում եմ մի շատ լավ վարժություն. փորձեք քոմենթներում ձեզ զսպել ու չասել. «Հա, բայց ախր ո՞նց չասեմ, որ էսինչը կամ էնինչը...»։
Այ, հենց այդպես։ Ուղղակի զսպեք ձեզ ու վերջ։ Մի՛ ասեք։
Կոտրե՛ք երկիրՀԺ արատավոր շրջափուլը։
Փոխարենը մի լավ բան գրեք։ Եթե լավ բան չունեք գրելու, ուղղակի լռեք։
Հավատացե՛ք, այս կռիվները սնուցվում են հանդիսատեսի «լայքերով» ու «շեյրներով»։ Հենց սնուցումը դադարեց, իրար խփելն էլ է շատ անհետաքրքիր զբաղմունք դառնալու։ Եթե չեք ուզում ամբողջ օրը ղալմաղալներին հետևել, ուղղակի մի՛ հետևեք։
Հ.Գ. Սիրում եմ բոլո... Ըըըը, չէ, էս ուրիշ կինոյից էր»։

Աղբյուրը`   Կարեն Վրթանեսյան