«Чудеса на виражах». Զախարովանˋ Փաշինյանի հայտարարության մասին

250

Հինգշաբթի, 16 մարտի, 2023 թ., 20:06

ՌԴ ԱԳՆ պաշտոնական ներկայացուցիչ Մարիա Զախարովային ճեպազրույցի ժամանակ խնդրել են մեկնաբանել Հայաստանի վարչապետ Նիկոլ Փաշինյանի հայտարարությանը, որ «եթե Ռուսաստանը չկարողանա ապահովել կայունություն և անվտանգություն Լեռնային Ղարաբաղում՝ օբյեկտիվ կամ սուբյեկտիվ պատճառներով, ապա նա կամ պետք է քննարկում նախաձեռնի ՄԱԿ-ի Անվտանգության խորհրդի նիստում՝ դրանով իսկ բարձրացնելով ՄԱԿ-ի Անվտանգության խորհրդի կողմից ռուս խաղաղապահներին մանդատ տալու հարցը, կամ Լեռնային Ղարաբաղ լրացուցիչ բազմազգ խաղաղապահ ուժեր ուղարկելու հարցը»։

«Սա կարելի է գնահատել միայն մեկ արտահայտությամբ՝ чудеса на виражах (բառացիˋ հրաշքներ կտրուկ շրջադարձերին-խմբ.)։ Այլ բացատրություն չեմ կարող տալ: Ես չեմ էլ փորձի վերլուծել, և ինչ-որ կերպ հանգել ինչ-որ եզրակացության, թե ինչ կարող է նկատի ունենալ և ինչպես է դա առնչվում ինչ-որ բանի հետ: Այս արտահայտությունն այնքան անբացատրելի է, որ չեմ պատրաստվում բացատրել։ Սա բառերի ինչ-որ անհավանական էկվիլիբրիստիկա է»,- ասել է Զախարովան: