Վրաստանում Ծաղկազարդին տոսախի ճյուղերի ապօրինի հատումը կպատժվի

Վրաստանի Շրջակա միջավայրի պահպանության և գյուղատնտեսության նախարարության բնապահպանական վերահսկողության վարչությունը խստացնում է հսկողությունը տոսախ (շիմշատ) բույսի ապօրինի հատման նկատմամբ։

Վարչության ներկայացուցիչները կիրականացնեն 24-ժամյա պարեկություն։

Նշված է, որ կոլխական տեսոսախը Կարմիր գրքում գրանցված տեսակ է։ Այն կտրելը, արմատախիլ անելը կամ ճյուղերը վնասելը պատժվում է տուգանքով՝ 500-ից 1000 լարիի չափով։ Հատուկ դեպքերում նախատեսված է քրեական պատասխանատվություն։

«Շիմշատը կարելի է ձեռք բերել միայն մասնավոր սեփականություն հանդիսացող տնկարաններից»,- նշում են նախարարությունից:

Նշենք, որ Վրաց ուղղափառ եկեղեցու ծխականնեը տոսախի ճյուղերն օգտագործում են Ծաղկազարդի («Բզոբա») ժամանակ, որը կնշվի ապրիլի 9-ին:

Հատկանշական է, որ հայ առաքելական եկեղեցին Ծաղկազարդը նշեց երեկ՝ ապրիլի 2-ին: