«Լեզուն ***, ով կհամարձակվի անվանարկել մեր ժողովրդին». Արթուր Հովհաննիսյան

«Իրողությունը, որը ստեղծվել է մեր երկրում՝ ժողովրդավարական բոլոր ինստիտուտների ու մարդու իրավունքների անկմամբ, տեղի է ունեցել 2018-ին՝ ՀՀ-ում տեղի ունեցած ադրբեջանաթուրքական հեղափոխության հետևանքով»,- ԱԺ հանձնաժողովի նիստում հայտարարեց ՄԻՊ ընդդիմության թեկնածու Էդգար Ղազարյանը: Իրավիճակը կրկին լարվեց: «Դու հասկանո՞ւմ ես՝ ի՞նչ ես խոսում: Հեղափոխություն արած ժողովրդին անվանում ես ադրբեջանաթուրքական հեղափոխությո՞ւն, ո՞վ ես դու, արա՛... Լեզուն կկտրենք նրա, ով կհամարձակվի անվանարկել մեր ժողովրդին»,- արձագանքեց ՔՊ-ական Արթուր Հովհաննիսյանը: «Խնդրում եմ հանձնաժողովի նախագահին՝ կանխել խուլիգանական վարքագծի դրսևորումները»,- ասաց Էդգար Ղազարյանը: «Լսի, արա՛, խուլիգանը դո՛ւ ես»,- պատասխանեց Արթուր Հովհաննիսյանը:

Հիշեցնենք՝ ԱԺ մարդու իրավունքների պաշտպանության և հանրային հարցերի մշտական հանձնաժողովն արատահերթ նիստում քննարկում է ՄԻՊ թեկնածու առաջադրելու հարցը:

«Քաղաքացիական պայմանագիր»-ը ՄԻՊ-ի պաշտոնում առաջադրել է Գլխավոր դատախազի տեղակալ Անահիտ Մանասյանի, իսկ «Հայաստան» և «Պատիվ ունեմ» խմբակցությունները՝ Էդգար Ղազարյանի թեկնածությունը: