Հայաստանը հեռացվեց Defender 23 զորավարժության մասնակիցների ցանկից

Հայաստանը հեռացվել է ամերիկյան Defender 23 զորավարժության մասնակից երկրների ցանկից: Պաշտոնական կայքում ավելի վաղ տեղադրված հաղորդագրության տեքստում՝ մասնակից երկրների ցանկում փոփոխություն է կատարվել, հանվել է մեր երկրի անունը:

«Բացի ԱՄՆ-ից, զորվարժություններին իրենց զորքերով կմասնակցեն նաև Ալբանիան, Հայաստանը, Բոսնիա և Հերցեգովինան, Բուլղարիան, Խորվաթիան, Չեխիան, Դանիան, Էստոնիան, Ֆրանսիան, Վրաստանը, Գերմանիան, Հունաստանը, Հունգարիան, Իտալիան, Կոսովոն, Մոլդովան, Չեռնոգորիան, Նիդեռլանդները, Հյուսիսային Մակեդոնիան, Լեհաստանը, Ռումինիան, Սլովենիան, Իսպանիան, Շվեդիան և Մեծ Բրիտանիան», - նշվում էր հաղորդագրության մեջ։

Այժմ հաղորդագրությունից հանվել է Հայաստանը։ Հայկական կողմից դեռ արձագանք չկա։
Ապրիլի 22-ին Եվրոպայում կմեկնարկեն Defender 23 զորավարժությունները, որոնք կտևեն երկու ամիս և կընդգրկեն եվրոպական 10 երկրների տարածք։