«Աերոֆլոտ»-ն սկսել է ինքնաթիռները վերանորոգել Իրանում

Արևմտյան շուկայից կտրված՝ Ռուսաստանի խոշորագույն ավիափոխադրող Aeroflot -ն ստիպված է իր ինքնաթիռները վերանորոգել Իրանում։
Ապրիլի 5-ին ազգային ավիաընկերությունը պատմության մեջ առաջին անգամ ինքնաթիռ է ուղարկել Թեհրան, գրում է РБК-ն՝ վկայակոչելով ավիաընկերությանը մոտ կանգնած երկու աղբյուրների և ընկերության ներկայացուցչին։
Խոսքը RA-73700 գրանցման համարով Airbus A330-300 լայն թափքով ինքնաթիռի մասին է։ Այն կսպասարկեն իրանական խոշորագույն Mahan Air ավիափոխադրողի տեխնիկական մասնագետները։
Իրանական ընկերությունների իրավասություններն ինքնաթիռների սպասարկման և վերանորոգման ոլորտում կլրացնեն Aeroflot խմբի հնարավորությունները, ասել է ռուսական ավիաընկերության ներկայացուցիչը։
Նախկինում Aeroflot օգտվել է այլ փրովայդերների, մասնավորապես՝ Հոնկոնգում գործող HAECO-ի ծառայություններից։ Սակայն ԱՄՆ-ը և ԵՄ երկրները, ի պատասխան Ուկրաինա Ռուսաստանի ներխուժման, արգելեցին ռուսական ավիաընկերությունների ինքնաթիռների սպասարկումն ու պահեստամասերի մատակարարումը։
Սպասարկման համար անհրաժեշտ դետալները ձեռք բերելու համար Aeroflot -ն իր ինքնաթիռներից առնվազն 25-ն ուղարկել է «կաննաբալիզացիայի», երբ աշխատող մասերը հանվել են, որպեսզի վերատեղադրվեն այլ ինքնաթիռներում՝ արտադրողների պահեստամասերի փոխարեն, ովքեր հրաժարվել են աշխատել Ռուսաստանի հետ:
Ընդհանուր առմամբ, ապրիլի 1-ի դրությամբ Aeroflot ունի 178 Airbus և Boeing» ինքնաթիռ, ասվում է ավիափոխադրողի կայքում։ Այս ինքնաթիռների սեփականատերերը պահանջել են վերադարձնել դրանք, սակայն ավիաընկերությունը գրանցել է օտարերկրյա օդանավերը երկրի ներսում և շարունակել շահագործել դրանք։
Արտերկրում սպասարկման հասանելիությունը կորցնելուց հետո Aeroflot -ը հայտարարել է ռուսական Airbus և Boeing օդանավերի օպերատորների տեխնիկական աջակցության ազգային կենտրոն ստեղծելու մտադրության մասին: Ենթադրվում էր, որ այնտեղ պետք է աշխատեին արևմտյան արտադրողների նախկին աշխատակիցներ։ Նման կենտրոն է դարձել Aeroflot Technics-ը, որը 2022 թվականին իրականացրել է ավելի քան 300 տեսակի օդանավերի պարբերական սպասարկում։

«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
31119.11.2026, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
29619.11.2026, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
164216.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
131115.11.2026, 19:19
Խաղողագործներին փող չեն տալիս․ «Հրապարակ»
75814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
169813.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
76712.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
204710.11.2026, 19:37