«Նիկոլ Փաշինյանի ուղղությամբ անձրևանոց նետած կինն ազատ է արձակվել». Հայկ Մամիջանյան

Այսօր տեղեկություն տարածվեց, որ Բերձորից տեղահանված և Մալիշկայում հաստատված 47-ամյա կինը անձրևանոցը նետել է Վայոց Ձորի մարզում գտնվող Նիկոլ Փաշինյանի վրա։

Ավելի ուշ Քննչական կոմիտեն հաստատեց տեղեկությունը՝ հավելելով, որ հարուցված է քրեական վարույթ և կինը ձերբակալվել է։

168.am-ի հետ զրույցում Ազգային ժողովի (ԱԺ) «Պատիվ ունեմ» խմբակցության ղեկավար Հայկ Մամիջանյանն ասաց՝ կապ է հաստատել հանրային պաշտպանի հետ. գործն իրենց ուշադրության կենտրոնում է։ Նրա փոխանցմամբ՝ կնոջ նկատմամբ խափանման միջոց է ընտրվել բացակայելու արգելքը։ Վերջինս այժմ ազատության մեջ է։