«Եթե ամեն ինչ այսքան լավ է, ապա ինչու է այսքան վատ». Գեղամ Մանուկյան

«Արդեն մի քանի օր շարունակ ՀՀ խոշորագույն ոլորտներից մեկը՝ կաթնարդյունաբերությունը լուրջ պրոբլեմի առաջ է կանգնած ու զրկված է ՌԴ արտահանման հնարավորությունից: Ի վերջո, ե՞րբ է լուծվելու այդ թնջուկը»,- դիմելով Էկոնոմիկայի նախարարին՝ հարցրեց «Հայաստան» խմբակցության պատգամավոր Գեղամ Մանուկյանը: Վահան Քերոբյանն ասաց, որ իրենց գնահատմամբ՝ սա ԵԱՏՄ առևտրի խոչընդոտ է, հարցը քննարկվում է գործընկերների հետ: «Ժամկետ չեմ տա. աշխատում ենք»,- նշեց նախարարը: Մանուկյանն արձագանքեց. «Այս դահլիճում տարիներ առաջ, երբ կառավարությունը գեղեցիկ թվերի մասին էր խոսում, հանգուցյալ մեր ընկեր Վահան Հովհաննիսյանը մի արտահայտություն արեց՝ եթե ամեն ինչ այսքան լավ է, ապա ինչու է այսքան վատ»: