G7-ի երկրները մտադիր են շարունակել ՌԴ-ի դեմ կոշտ պատժամիջոցները

«Մեծ յոթնյակի» երկրների արտգործնախարարները հաստատել են իրենց մտադրությունը՝ շարունակել աջակցությունը Ուկրաինային, պահպանել հակառուսական պատժամիջոցները, այս մասին ասել է Ճապոնիայի արտաքին գործերի նախարար Յոսիմասա Հայաշին՝ նախարարների հանդիպման արդյունքներով մամուլի ասուլիսի ժամանակ։ «Մենք մտքերի փոխանակում կատարեցինք միջազգային տարբեր հարցերի շուրջ: Մասնավորապես, Ուկրաինայում տիրող իրավիճակի վերաբերյալ վերահաստատեցինք մեր մտադրությունը՝ շարունակելու հակառուսական պատժամիջոցները, ինչպես նաև՝ աջակցությունը Ուկրաինային»,- ընդգծել է նա: