«Վարչապետի թերի գիտելիքների հետևանքն անդրադառնում է ամբողջ ժողովրդի վրա». Գեղամ Մանուկյան

«Մեր ժողովրդի դժբախտությունն էն ա եղել, որ Նիկոլ Փաշինյանը 2019-ին ու 2020-ին տարբեր կերպ ա ընկալել 1991-ի սեպտեմբերի 2-ի Արցախի անկախության հռչակման փաստաթուղթը, որը ողբերգական հետևանք է ունեցել: Դուք նույնիսկ չեք էլ պատկերացնում, թե Խորհրդային Հայաստանն ումից ա անկախացել: Ալմաթայի հռչակագրով ոչ թե անկախացել են Խորհրդային Միությունից Հանրապետությունները, այլ՝ կազմավորելով Անկախ Հանրապետությունների Համագործակցությունը, Խորհրդային Միությունը դադարել է գոյություն ունենալ»,- դիմելով ՀՀ վարչապետ Նիկոլ Փաշինյանին՝ հայտարարեց «Հայաստան» խմբակցության պատգամավոր Գեղամ Մանուկյանը՝ հավելելով հետևյալը. «Գլխավոր խմբագրի վատ աշխատանքի հետևանքը թերթի հեղինակության հետ է կապված, իսկ վարչապետի պաշտոնը զբաղեցնողի թերի գիտելիքների հետևանքն անդրադառնում է ամբողջ ժողովրդի վրա»:

ԱԺ-ում շարունակվում է Կառավարության կատարողականի քննարկումը: