«Իսկ իմ ասած բովանդակությունը հերքե՞ց որևէ փաստարկով». Փաշինյան

«ԱԺ-ում՝ իմ զեկույցում, արձանագրել եմ հետևյալը, որ 2007-ի Մադրիդյան սկզբունքների արձանագրումով ինքնորոշման ձևակերպումը տրված է էնպես, որ ՀՀ-ը ճանաչել է Ղարաբաղը որպես Ադրբեջանի մաս, էդ ա պրոբլեմը: Ասում էի՝ չառերեսվելով էս իրականության հետ, զուգահեռ իրականություն ենք ստեղծել, ցանկալի իրականություն, որը աշխարհաքաղաքական իրականության հետ կապ չի ունեցել: Հիմա մենք էս իրադրության հետ պետք է առերեսվենք: Մեր ընդդիմադիրներին ասում էի՝ քննադատեք ինձ ա՛յ սրա համար»,- լրագրողների հետ ճեպազրույցում ասել է ՀՀ վարչապետ Նիկոլ Փաշինյանը: Դիտարկմանը՝ Վարդան Օսկանյանը երեկ արձագանքել էր Մադրիդյան սկզբունքներին ու Ձեր պնդումներին, ասել է. «Իսկ իմ ասած բովանդակությունը հերքե՞ց որևէ փաստարկով... Թող հրապարակեն իրենց տարբերակները, ես իրենց խոսնակը չեմ: Ինչ որ ուզում էին առաջարկել էն ժամանակ, թող հրապարակեն, կարձագանքեմ»: