«Վայել չէ իշխանության բարձրագույն ղեկավարին խոսել կնոջ մասին այսպիսի արտահայտություններով». իրավապաշտպան

Իրավապաշտպան Ժաննա Ալեքսանյանը ֆեյսբուքյան իր էջում գրում է. «Ականջից բռնել ենք, դարձրել պատգամավոր, եկել, նիստը ձայնագրել, Սերժ Սարգսյանին է տվել, գետինն էլ չի մտնում». բոլորը հասկացան, որ վարչապետի այս խոսքերն ուղղված են Թագուհի Թովմասյանին։ Վայել չէ իշխանության բարձրագույն ղեկավարին խոսել կնոջ մասին այսպիսի արտահայտություններով: Սրան հետևեց այսօր խորհրդարանում ամբիոնից չհեռանալու քաղաքական ակցիա իրականացնող Թագուհի Թովմասյանի նկատմամբ հարձակումը ՔՊ-ին պաշտպանող ԱԱԾ աշխատակիցների բռի կամ բռնի մասնակցությամբ։ Վարչապետը դահլիճում էր և որևէ կերպ չի միջամտել լարվածությանը և օլիմպիական հանգտությամբ լքել է դահլիճը։ Այս իրավիճակը նոր հեռանկարներ է բացել թքելու մոլուցք ունեցող ԱԺ նախագահ Ալեն Սիմոնյանի համար, նա հայտարարել է, որ կթքի, երբ կամենա։ Մոռացա ասեմ, որ վարչապետը խոսել է նաև Թագուհի Թովմասյանի բարոյական կերպարի մասին և ոչ մի բառ թքող ԱԺ նախագահի մասին»։